A Aonghuis,

Ní raibh buaiteoir againn sa bhabhta deireanach. Theip orainn uile an fuascailt thiarach a aimsiú. Céard ba cheart dúinn a dhéanamh anois?

Mo thuairim féin: ba chóir dúinn iarraidh ar Abigail an chéad cheann eile a thabhairt dúinn, ó nach raibh sí páirteach le déanaí!

Cuma liom cén duine seachas mise a chuireann tomhas ar fáil. Tá mo thoibreacha geall le bheith ídithe....

Seo daoibh mar sin:

A thóin faoi ag imeacht,
a cheann faoi ag gabháil,
a chosa faoi ag teacht i dtír.

Eitleán?

Ní hea go baileach. Is é an chaoi go siúlann eitleán agus a bhrollach faoi, déarfainn.

Ach tá tú i ngar dó!

Tointeálaí?

http://www.nasa.gov/mission_pages/shuttle/main/index.html

Sin é go díreach!

Chím chugam tríd an ngleann,
Iníon rí is í go teann;
Rud beag óir ar bharr a boise
Agus cúl a coise trína ceann

An bláth é?

Ní hea.

quote:

Agus cúl a coise trína ceann

Cuileog de shaghas éigin tar éis di bualadh le gaothscáth?

Ní neach bheo atá i gceist in aon chor, ach uirlis.

Cruit?

Ní hea. Ní uirlis ceoil atá i gceist.
Rud níos coitianta.

Tá mé ag déanamh gurb ionann "cos" agus "sáfach" nó "feac" nó rud éigin cosúil leo. Píopa tobac agus é dearg, .i. agus tine air?

A Aonghuis,
Tua
bhféidir?

Plána adhmaid?

Muise, aniar as ceo na mbanlaochra chugainn an freagra cuí.

Maith thú, a Scathaigh

agatsa anois cleas a mhúineadh dúinn!

Seo mo thomhas agam oraibh..............

Bíonn an tír agus an talamh glas dá bharr,
Bíonn dearg ina ghné,
Bíonn adharca géara air abhus is thall
Ach ní ainmhí é

An Ghrian?

A Aonghuis,
Ní hea, ach ba mhaith an iarracht í

An planda atá i gceist?

A Aonghuis,
Tá an ceart agat, is é planda atá i gceist. Anois cén ceann?

Feochadán?

http://images.google.ie/images?hl=en&rls=GGLJ,GGLJ:2006-39,GGLJ:en-GB&q=thistle& ie=UTF-8&oe=UTF-8&um=1&sa=N&tab=wi

Iarracht an mhaith arís, ach níl an ceart agat. Tá sé beagnach agat.Déan do mhachnamh air arís.

Tabharfaidh mé leid duit faoi.
Bíonn caora ar an bplanda seo de ghnáth.

Bhíos ag súil le planda coitianta, de bharr "Bíonn an tír agus an talamh glas dá bharr"

Caorthann?
Nó
Cuileann?

Sin é go díreach. Tá sé agat.
Cuileann a bhí igceist.

Agamsa an chraobh mar sin?

Tá sé abhus, tá sé thall,
Tá sé ag Brian ar a chuid,
Tá sé tríd an saile liath,
Is gan é níl blas ar ubh?

Salann ?

sea. Tusa anois!

Céard atá le fáil i gceartlár Mheiriceá agus i gceartlár na hAstráile?

Gaineamhlach?

Ní hea.

Dennis

An litir 'r'?

Rith an smaoineamh chéanna liomsa díreach anois.

i gceartlár MheiRiceá agus i gceartlár na hAstRáile

Agatsa arís, a Scathach!

Beidh mé as baile ar feadh seachtaine, níl a fhios agam go mbeidh mé in ann dul ar an internet san áit nua a mbeidh mé. Mar sin de, níl tairbhe ar leith ag baint le tomhas nua a chur suas, mar ní bheadh mé in ann freagra a thabhairt daoibh. Leanaigí ar aghaidh gan mé fhéin.

Maith go leor.

Seo ceann a tháinig mé air le déanaí:

Chomh geal leis an bplúr, ach dubhtar é le fáscadh?

Tá muisiriúin ann atá bán nuair atá siad úr, ach dubhaíonn siad nuair a bhrúitear iad ... ach ní ar an toirt.

"an t-idirlíon" a thugtar ar "the internet" as Gaoluinn -- coimeád do chuid truaillithe duit féin led thoil.

FnaB, faigh saol. Níl aon ghá duitse a bheith ag trasnaíl go drochmhuinte ar chomhrá gan oiread na fríde a chuir leis, ar mhaithe le d'fheachtas pearsanta beachtaíochta.

Dennis, freagra mhaith, ach ní sin atá i gceist.

Nod: Níl tusa ná mise, a Dennis, gar don freagra faoi láthair. Ach dá mbeimis thuas ard, nó i bhfad níos faide ó dheas, scéal eile a bheadh ann.

Hmmm... Níl dóigh liom go dtuigim an nod sin ró-mhaith. Ach tháinig smaoineamh eile chugam nuair a léigh mé é mar sin féin. Tá scamaill ann atá chomh bán le sneachta. Agus scamaill eile atá chomh dubh le píc, agus is astu sin a thagann na tuilte báistí nuair a "fháisctear" iad.

Tá freagra an tomhais i'd fhreagra.

Sneachta ar an talamh?

Sneachta.

Maith thú, a Shuaimhneas. Fútsa anois!