Go raibh maith agat! An-suimiúil go deo! D'fhoghlaim mé téarma nua ann, mar atá "cadad":

Múchadh séimhithe ar a dtugtar cadad.

Níl ins an chadad ach an ní a bheir an consan sin arais chuig a fhuaim féin trén tséimhiú a mhúchadh nuair atá consan áirithe athraithe de bharr séimhithe. Nítear an múchadh séimhithe sin tré chonsan den chinéal chéanna nó coibhneasta don chonsan shéimhithe agus é curtha lena thaobh ins an fhocal chéanna nó i bhfocail éagsúla, mar beandubh, gontar.

In other words, when we invoke the homorganic DeNTaLS in explaining that lenition is blocked when they follow 'n', we are talking about "cadad":

don saighdiúr (not don shaighdiúr)
ins an teach (not ins an theach)
etc.

Thar barr. Tá an leabhar 'Graiméir Ghaeilge na mBráthar Mionúir' (DIAS) agam ach tá an chuid is mó de as Laidin.

Maidir le 'Cadad'. An é sin fuaimniughadh/litriughadh ceart an fhocail? Ba dhóigh liom gurbh fhéidir gur cheirte é a scríobh mar 'Cadadh'.

Dála an scéal, connas a fhuaimneofaí sean-ainmneacha na litreacha 'eaghadh'/'eabhadh' (e) agus 'ioghadh' (i)? /ai/ nó /au/ agus /i:/?

quote:

Maidir le 'Cadad'. An é sin fuaimniughadh/litriughadh ceart an fhocail?

Tá cuma aisteach air gan dabht. Cheadaigh mé DIL, foclóir mór na Sean- agus na Meán-Ghaeilge, agus fuair mé an focal seo:

catúd verbal noun of con-toí. Also catód, cadádh, cadódh, cadúdh. act of wrapping, entwining

Is dóigh liom gurb é seo an focal céanna. An leagan de atá san fhoclóir mór FGB ná:

cadó, Cover, wrap. (Var: cadogha)

Ar an drochuair níl sé in úsáid mar théarma gramadúil anois. Bheadh sé an-úsáideach.

"Ar an drochuair níl sé in úsáid mar théarma gramadúil anois. Bheadh sé an-úsáideach."
Má tá gádh leis cén fáth ná haiséirightear é? Is amaideach liom é an stór seanfocal fairsing atá againn a shéanadh.

quote:

Má tá gádh leis cén fáth ná haiséirightear é?

Bhain mé feidhm as i dteachtaireacht chuig Old-Irish-L anois díreach (in éindí le míniú). Ní leor tcht amháin chun focal a athbheochan, ar ndóigh, ach ... "tús maith leath na hoibhre" ??