Cailindoll
Member Username: Cailindoll
Post Number: 164 Registered: 12-2004
| Posted on Tuesday, September 26, 2006 - 09:51 am: |
|
Dúradh liom go ndeirtear faoi bhrú [le séimhiú] ach faoi brú millteanach [gan séimhiú] An bhfuil sé sin ceart, agus má tá, cén fáth go díreach? Níl fianaise ann in O'Donail faoi 'faoi' ach sílim gur chuala mé faoin riail seo in áit éicinnt. An bhfuil a fhios ag éinne? Grmma! |
Mbm
Member Username: Mbm
Post Number: 102 Registered: 01-2006
| Posted on Tuesday, September 26, 2006 - 01:27 pm: |
|
Tá a leithéid seo de riail ann maidir leis an réamhfhocal gan, go bhfios dom: cuireann gan séimhiú ar ainmfhocal, ach ní chuireann má tá aidiacht nó cáilitheoir éigin eile ag gabháil leis an ainmfhocal. Mar shampla, gan phingin ach gan pingin rua. Níor chuala mé riamh go mbeadh an riail chéanna ag gabháil le faoi, áfach. Dar liomsa go gcuireann faoi séimhiú ar gach rud, faoi bhrú millteanach san áireamh - seachas corrleagan cainte calctha, dála rud a thabhairt faoi deara. Ná téadh sé seo idir tú agus codladh na hoíche! Tá "rialacha" ann (mar dhea) nach mbíonn éinne ag cloí go docht leo, agus nach mbíonn iontu uaireanta ach tuairmíocht an té a scríobh an leabhar gramadaí. Is mise, Michal Boleslav Mechura
|