Haigh!

Tá a fhois agam go bhfuil roinnt de na daoine atá ina mbaill den chlár plé seo ag foghlaim Gaeilge na hAlban, taobh amuigh den Ghaeilge í féin.

Sin í mo cheist oraibh:

Céard a thuganns sibh ar Ghaeilge na hAlban i mBéarla, den chuid is mó?

Le meas, Peter

Scottish Gaelic de ghnáth, ach braitheann sé ar (the e an crochadh air) an gcomhthéacs. Más ag caint le daoine atá sáite i (a tha an sàs ann an) saol na Gàidhlig -- agus tá a lán acu anseo in Seattle, is leor Gaelic a rá... ach é a rá mar "GAH-lic", ar ndóigh! ;-)

I mBearla na hAlbann, deirtear Gaelic de gnáth. Mé féin, úsáidim 'Scots Gael', go hoifigiúil is Scottish Gaelic é an t-ainm. Ní deirfidh mé cad a deir daoine Éireannacha mar níl a fhios acu ar an ainm teanga na hÉireann ann, ná bac le hainm teanga na hAlbann.

An bhfuil fhios agat cad a thug siad ar Ghaeilge na hAlban i mBéarla sa 19ú aois ? "Irish". Creid é nó fág i do dhiaidh é.

quote:

cad a thug siad ar Ghaeilge na hAlban i mBéarla sa 19ú aois ? "Irish"

Hey, is fíor duit! Ach bhain siad feidhm as an seanainm "Erse", nach ea?

Go raibh maith agaibh!

Ní mé cén fáth nach dtugtar ‘the Scottish language’ uirthi? An measeann sibh an mbeadh an t-ainm seo cineál míthreorach?

An mbaineann duine ar bith leas as ‘Gaelic’ nó fiú amháin ‘Irish Gaelic’ agus is í an Ghaeilge atá i gceist aige / aici?

BTW Cé mar a úsáidtear ainm teangan thar éis ainmfhocal eile sa gCaighdeán?

focal Béarla
focal (na) Gaeilge
focal (na) Rúisise / Rúisis ??

Cé acab is fíor? Céard i dtaobh an ailt, más é do thoil é?

Le meas, Peter

" Ach bhain siad feidhm as an seanainm "Erse", nach ea?"

Ó, sea. Agus cad a thugann na hOllainnigh uirthi, Gaeilge an lae inniu? De ierse Taal. Ierse > Iers (= Éireannach )

Dar ndóigh, Ír = freamh den fhocal Ireland é, agus seanainm (ceann acu )d'Éirinn.


" Ní mé cén fáth nach dtugtar ‘the Scottish language’ uirthi? "
Tá teanga eile ann a thugtear Inglis air sa teanga fhéin, Scots i mBéarla nó Albainis i nGaeilge ( Ní Albáinis é ). Scríobh Robert Burns i gcanúint di. Agus scríobh Hugh McDiarmid i leagan litríochta di, darb ainm Lallans

quote:

An mbaineann duine ar bith leas as ‘Gaelic’ nó fiú amháin ‘Irish Gaelic’ agus is í an Ghaeilge atá i gceist aige / aici?

Go mion minic, thar lear go háirithe. Tá sé neamh-PC in Éirinn "Gaelic" a thabhairt ar an teanga, ach sin é an t-ainm thug na heisimearcaigh leo thar lear sa 19ú agus 20ú céad, go Meiriceá, etc., agus mhair an t-ainm sin beo sna háiteanna sin go dtí an lá inniu. Má deirtear "Gaelic" sna Stáit, is í Gaeilge na hÉireann atá i gceist go hiondúil, ní Gaeilge na hAlban.

quote:

focal (na) Rúisise / Rúisis ??

focal Rúisise, focal Laidine, etc.

GRMMA