Rugadh Naomh Maolmhaodhóg i nÁrd Macha san mbliain 1095. Do ceapadh é ina abb ar mhainistir Bheannchoir san mbliain 1124.

An bhliain chéadna sin, choisric Ceallach, árdeasbog Árd Macha, é ina easbog ar Choinnire, agus bhí an dá chúram sin ar Mhaolmhaodhóg i n-aoinfheacht go dtí gur tobhadh é le Árd Macha a riaghlú nuair d'eag Ceallach san mbliain 1132.

Chaith sé a dhúthracht, mar a chaith N. Ceallach roimhre, ag leigheas na droch-chuma a bhí ar an Eaglais i nÉireann san am.
"Chuir sé caoi ar gach eaglais a bhí leigthe i bhfaillighe agus in éislis le fada roimhe sin."

San mbliain 1139, choisric sé Giolla Mac Liag mar chomharba dó i nÁrd Macha agus ghluais sé chun na Rómha. Ar a bhealach dó, thug sé cuairt ar mhainistir Clairvaux, mar ar fháiltigh Naomh Bearnárdus roimhe gur eirigh dlúth-charadas eatortha.

Rinne an Pápa Innocentius II Leagáid le haghaidh na hÉireann de agus d'fhill Maolmhaodhóg abhaile.

San mbliain 1182, chuir a dhualgas athturas chun na Rómha air. Fuair sé bás fá bhealach i gClairvaux. Bhí meas naoimh ag Naomh Bearnárdus air, agus scriobh sé sgéal a bheatha.

Nach diabhal an mac é an Maolmhaodhóg seo, agus é ar a shlí chun na Róimhe in aois a 87 dó, a dharna thuras? Frequent Flyer cruthanta é gan dabht.

Ní raibh sé moran nios sinne na mé fein agus bhí mise sa Rómha cupla mí ó shoin.

Ach ní raibh aon eitleán/traein/gluaisteán ar fáil dó siúd.

Nach bhfuil scéal ann i dtaobh Easpag Chiarraí a thug Trionta ar féin le haghaidh Comhairle mhór an athleasú creidimh agus a thug a bhó leis go mbeadh leamhnacht aige gach lá.

Rugadh Naomh Finnian i Laighnibh. Bhí sé ina dhalta ag Naomh Albán ar dtús, agus annsin chuaidh sé anonn go Cill Muine san mBreatain Bhig ag foghluim chrábhaidh i Sgoil San Dibhi.

Timcheall na bliaina 520 chuaidh sé ag lonnú i gCluain Iorairdar bhruach na Bóinne.

Chruinnigh deisciobuil agus daltai ina thimcheall, i ngioll ar cháil a naomhthachta agus a léighinn.

D'éag Naomh Finnian san mbliain 549. Abb Chluana Ioraird, saol eagna, agus oide Naomh Éireann ina aimsir.

An é seo an naomh a thug beachaireacht go hÉireann, nó an é sin fear eile.

Tá fhios agam go ndearna Eoin Pól II a leath oiread is atá naoimh ann anois, ach dhá nó trí Pápa ó shoin, nár baineadh a gcuid naomhachta de mórchuid den seandream. An raibh mo dhuine orthu?

Beidh Aifreann Gaelige i Séipéal Naomh Mhuire, Bóithrín an Shéipéal, Béal Feirste, Lá Nollaig, ag meán lae.

Tá fáilte roimh duine ar bith atá abalta freastal a dhéanamh ar.

Rugadh Naomh Íde i nDéisibh Mumhan timcheall na bliana 480.

D'fhág sí a baile dúthchais, le grá do Dhia, agus ghluais roimpi gur shroich sí Uí Conaill i n-iarthar Luimnigh agus bhunuigh sí a ceall annsúd.

Cill Íde a tugtar ar an ait sin ó shoin. Bhí mainistir ag Íde agus sgoil.

Fuair cuid mhór de naoimh na hÉireann oileamhaint san sgoil sin fá chúram Íde i riocht gur tugadh "buime naomh na hÉireann" uirthi.

Sé Bréanainn Chluain Fearta an dalta is mó cáil diobh siúd.

D'eag Íde timcheall na bliana 560.

Bhain an Eaglais iad siúd, nach raibh fianaise ann gur mhair siad, den bhféilire i seascaidí an aois chaite.

Ní dóigh liom go mbaineann Finian leis an roinn sin.

Ní luaitear anseo gurbh amhlaidh atá;

http://www.catholic.org/saints/saint.php?saint_id=3368

Cé go luaitear faoi San Criostóir é:

http://www.catholic.org/saints/saint.php?saint_id=36

Ní raibh córás iniuctha i bfeidhm san Eaglais go dtí an 15ú aois.

Seard a rinne Eoin Pol, a d'aithin an gá le samplaí maithe don Eaglais, ná an córás a bheachtú agus a dhéanamh níos éifeachtaí.

Ní dhearna seisean, ná aon Phápa eile, naomh ar bith - is faoi Dia atá sin.

quote:

Ní dhearna seisean, ná aon Phápa eile, naomh ar bith - is faoi Dia atá sin.

Ach, ó nach bhfuil Sé sásta rud ar bith cinnte cosúil leis an Queen's Birthday Honours List a chraoladh...

Bíonn lámh Aige sa bhféilire. Bíonn miorúiltí de dhíth,

GRMA, a aonghuis!