Oíche Naomh Nioclás Dé Luain, agus chuir m’iníon a bróg sa hall ag doras a seomra leapa. Chuir mé boinn seacláide inti agus briosca déanta i riocht calóg shneachta. De réir De Bhaldraithe, mar a thuigimse é, is é ‘cáithníní sneachta’ an bhrí le ‘hailstones’ agus ‘calóg shneachta’ an focal ar ‘snowflake’. Chuala mé 'clocha sneachta' ar 'hailstones' chomh maith.

Tá m’iníon in a déagóir, ach baineann sí sult as nósanna mar seo go fóill. Tá a cuid bróga níos faide ná mo chuidse....11 ½ US mná. Caithfimid dul go Seattle le bróga a fháil di, mar nach mbíonn ach péire nó dó atá oiriúnach di sna siopaí anseo. Léigh mé i bpáipéar eolaíochta go bhfuil bróga na cailíní ag éirí níos faide thar na blianta. Níl a fhios agam cén fáth...ach b’fhéidir go gcothaíonn a dtuismitheoirí iad go han-mhaith.

Nó go dtabhrann siad barraíocht bídh daofa ;-)

Maidir le "snowflake", seo a bhfuil i sean-fhoclóir Mhic Cionnaith (1935, le foirmeacha canúnacha):

bratóg sneachta (Ulaidh)
calóg sneachta (Mumha & Connachta)