http://gaeilgefaoithalamh.blogs.ie/

quote:

Nuair a chrom mé ar an mblag seo a scríobh an chéad uair, níor theastaigh uaim tuilleadh a chur leis an tsíor-Ghaeilgeoireacht faoi Ghaelachas na Gaeilge, mar a chuirfeadh Myles na gCopaleen, suaimhneas síoraí dá anam agus d’anam a rothair, i bhfocail é. Mar sin féin, is dócha nach miste dom mo leagan féin d’idé-eolaíocht na Gaeilge a chur i míotar.

Is suimiúil go deo an blag seo.

Cé atá laistiar de? Bhfuil aon eolas beathaisnéiseach ar fáil?

Níl. Duine anaithnid.

quote:

Ó fuair mé ríomhphost agus tráchtaireacht ó na léitheoirí, is dóigh liom nach miste cupla focal a bhreacadh síos leis na ceisteanna a fhreagairt.

- Is mise Aoidhmín Mac Mórna, nó sin é an t-ainm a roghnaigh mé le haghaidh an bhlaga seo. Ar ndóigh, ní hé sin m’ainm ceart. Tá ríomhsheoladh hotmail.com agam, cuirigí “aoidhminmacmorna” roimh an @.

quote:

Ar ndóigh, bheadh teacht agam ar chainteoirí maithe i measc mo chuid páirtiseán, ach is fearr liom agus leis an bhfoireann gan ár n-ainmneacha a nochtadh don tsaol mhór, agus is dócha go n-aithneofaí gach aon duine acu siúd ar a ghuth.

(Message edited by aonghus on November 04, 2005)

quote:

Duine anaithnid.

Is saol beag é saol na Gaeilge. Cé atá ann anois... Virginia Mason? Victor Mature?

Sea, ach tarlaíonn sé go minic go mbíonn daoine nua ann ar an idirlíonn nach raibh ann roimhe, nó nach raibh aithne orthu ann. Féach http://imeall.blogspot.com/, mar shampla. Cainteoir cumasach atá ann nach raibh aithne agam air roimh a thosaigh sé a bhlog. Agus mar an gcéanna leis an mbastún atá ag scriosadh Beo (sin taobh dorcha an fhórsa, is dócha).