Chuala mé gur cuireadh cosc ar thobac i dtoighthí tábhairne na hÉireann. Ós rud é nach bhfuil mé féin ’mo chónaí sa tír, an dtiocfadh libh a dh’inse domh an dtéid an dlí sin i bhfeidhm nó an bhfuil daoiní a chaitheas sna toighthí tábhairne ar aon nós, nó an dtabhrann na húinéirí cead tobac a chaitheamh iontu ar aon nós, d’ainneoin an dlí? Cad é mar atá ’n scéal i mBaile Átha Cliath, agus ins na Gaeltachtaí?

grma

Ní fhaca aoinne ag caitheamh i dteach tabhairne (ná aon áit eile faoi dhíon) i mBleá Cliath, ná i gCorca Dhuibhne.

Bíonn na creatúirí amuigh faoin doineann!

Cuireadh an dlí ar tabhairneoir amháin i nGaillimh as ucht an dlí a sharú - tá an teach tabhairne sin dúnta ó shin.

Is cosúil go bhfuil ag éirí thar cinn leis an dlí.

Tá muchadh orm agus caithfidh mé a admháil gurb é seo an dlí is fearr ar domhan!
Ní bhíonn éinne ag caitheamh toitín taobh istigh d'aon áit.. Gan amhras níl orthu ach dul taobh amuigh agus toitín a chaitheamh.
Chomh maith tá laghdú tar éis teacht ar líon na dtoitín a díoltar agus ar líon na ndaoine a chaitheann toitín.

Mmm.

Níl an Oifig um Smachtú Tobac ró mhaith ag an nGaeilge, is cosúil.

Ach tá an Tuairisc Bhliaintiúl 2004 ar fáil anseo:
http://www.otc.ie/comm_pub.asp#annual.asp

Cuireadh dlí mar sin i bhfeidhm i gCalifornia cúpla bliain ó shin, agus beidh muid ag vótáil ar initiative cosúil leis sin anseo i Stát Washington Dé Máirt seo chugainn. Tá tithe tábhairne anseo in Seattle a bhfuil scoth an cheoil thraidisiúnta le cloisteáil iontu, ach faraor, bím "deataithe" i gcónaí faoi dheireadh na hoíche, mar sin is minic nach dtéim ann ar chor ar bith.

http://www.healthyindoorairwa.org/i_901_good_for_jobs_and_business/

Tá rud amháin nach dtuigim in aon chor faoin bhFrainc: tá an-suim acu i mbia agus fíon, ach is minic a chonaic mé daoine ag caitheamh tobac i rith an dinnéir i mbialanna maithe. Conas is féidir leo aon bhlas a fháil óna gcuid mar sin? Bhíomar i mbialann sách costasach oíche amháin agus thosaigh na daoine ag an mbord in aice linn ag caitheamh. D'iarr muid ar an serveur muid a aistriú go bord eile, rud a rinne sé gan chasaoid, ach ba léir go raibh an-iontas air.

Grma as mur bhfreagraí. Tá mé sásta leis sin. Nuair a rachas mé ar aist go Gaoth Dobhair, is cinnte go racha’ mé go toigh tábhairne achan oíche; ba dh’é ’n rud a chuirfeadh isteach orm sna pubannaí an toit a bheadh iontu i gcónaí. Aontaim leat a Dhomhnaill, is é sin a’ dlí is fearr ar domhan. Ba mhaith liom go ndéanfaí a leithéid do dhlí sa Fhrainc fosta.

>Tá rud amháin nach dtuigim in aon chor faoin bhFrainc: >tá an-suim acu i mbia agus fíon, ach is minic a chonaic >mé daoine ag caitheamh tobac i rith an dinnéir i >mbialanna maithe. Conas is féidir leo aon bhlas a fháil >óna gcuid mar sin?

Is léir nach bhfaghann siad blas ar bith, nó chan mórán... Is féidir go dtéid siad sin go bialannaí maithe le mórtas a dhéanamh!

>D'iarr muid ar an serveur muid a aistriú go bord eile, >rud a rinne sé gan chasaoid, ach ba léir go raibh an->iontas air.

Iontach, is minic a ghnímse ’n rud céanna leat agus mé i mbialann nuair a thoisíos duine ineacht a chaitheamh i ngar domh... De ghnáth cha bhíonn iontas ar an tserveur. Ach braitheann sé ar an áit & ar an tserveur, gan amhras.

Is dóigh go mbeidh an riail i bhfeidhm go láidir i dteach Jack!! Aithne agat ar an teach tabhairne sin?

Tá ar ndóighe, bhí mé ann cupla uair. ’S fearr liom Tigh Hiúdaí Bhig, ar a’ Bhun Bheag. Bhí cionn deas eile i nGort a’ Choirce ach chan cuimhin liom cad é ’n t-ainm a bhí air.

Dúirt mé libh go raibh initiative ar an mballóid i Stát Washington (mar a bhfuil Seattle) le cosc a chur ar tobac in oifigí, bialanna, tithe tábhairne, etc. etc. Bhí an toghchán ann inné agus tá áthas orm a rá gur bhuaigh an initiative seo an lá go héasca ar fud an stáit!

Go maire sibh an bhail úr agus an laghdú i gcostais sláinte.

I ndiaidh bliana, beidh sibh a rá go mba iontach nár ghoil an salachar agus an boladh bréan ar éadach an duine in aice leat sa scuaine roimhe seo. Cuireann sé ionadh orm i rith an ama abhus gur ghlac daoine leis an mbréantanas go léir, gan trácht ar an ngalar croí.

GRMA! Beidh an dlí nua i bhfeidhm ar an 8ú lá de Mhí na Nollag, hurá!

Togfaidh sé dhá bhliain ar mhór nó ar a laghad sna sé chondae áfach :(
Diabhal Sasannaigh!
N'fheadar an mbeidh an DUP ina choinne toisc gur riail atá i bhfeidhm sna 26 contae é?! ;)

Ach cad a bheidh sna dúidíní as seo amach? Bolgáin?

Duilleoga tae!!