Scríobh Dennis (thuas)

quote:

Cad is script magic ann? Draíocht nó ríomhchlár?

Ceacht beag ríomhaireachta de dhíth chun tú a fhreagairt.

Tá an clár plé seo bunaithe a feidhmchlarín atá scríofa sa teanga Perl (http://www.perl.org). Tugtar scrioptanna ar chláracha perl (agus teangacha eile nach é) toisc go ndeantar aistriú orthu ag an am a ritear an chlár, seachas leagan a thuigeann an ríomhaire a dhéanamh ag an t-am a scríobhtar an chlár.

An píosa draoíchta a bhí i gceist agam ná leasú ar an scriopt a d'aithneoidh an raibh leagan den gcló agat, agus ná litreacha le ponc a aistriú ina consan le h ina ndiaidh muna raibh. Ach bheadh sin deacair. Faoi láthair, is cuma leis an gclár cén ríomhaire atá agat - cuireann sé html bhailí ar fáil, agus is faoi do bhrabhsaer an chuid eile a dhéanamh. (Níor thaithin an focal sin brabhsaer liom riamh).

GRMA, a Aonghuis. Dúirt tú thuas gurbh fhearr leat a \gaelach tag in the style of \greek agus is dóigh liom go bhfuil an ceart agat. Níl a fhios agam conas a oibríonn sé sin, ach feiceann chuile dhuine na litreacha Gréagacha "alfabhton = aibítir" nuar a bhaineam úsáid as an tseift sin, gan aon iallach a bheith orthu rud éigin speisialta a íoslódáil, etc.

Sea, agus sa bharr ar sin ní maith liom Béarla sa chló gaelach.

Bhí sé i gceist agam go mbeadh sé ar chumas daoine rud breise a dhéanamh, seachas an cló a bheith ann de shíor.

Is dóigh liom áfach go bhfuil cleas eile an don \greek - sé sin go bhfuiltear ag cuir isteach "a" móide uimhir eile chun "a" a thabhairt dúinn, "b" móide an uimhir céanna dó b, agus mar sin de. Is sa chló laidineach a chuireann tú isteach na litir san.

Ag deireadh an lae, níl ann ach uimhreacha!

(Message edited by aonghus on October 27, 2005)