A chairde,

Beidh seisiún eile de Chiorcal Díospóireachta Átha Cliath ar siúl Dé Máirt, 18 Deireadh Fómhair 2005, idir 6:30 agus 8:00 PM i gCaife Úna i lár cathrach Bhaile Átha Cliath (Sráid Chill Dara - Kildare Street, in íoslach fhoirgneamh Chomhdháil Náisiúnta na Gaeilge). Beidh fáilte roimh éinne a bhfuil fonn air nó uirthi cúrsaí reatha a phlé as Gaeilge. Is féidir ábhar ar bith a tharraingt isteach ach seo hiad na cinn atá molta chun tús a chur leis an chomhrá:

1. Ar cheart d'uisce a bheith saor in aisce, mar atá anois? Nó ar cheart rátaí uisce a thabhairt isteach?

2. An mbeadh daoine ag caitheamh níos lú toitíní dá mbeadh siad níos daoire?

3. An bhfuil seirbhísí seachadta An Phost tapaigh go leor?

4. An bhfuil bia géinathraithe dainséarach?

5. An bhfuil éifeacht ag an bhranda "trádáil chothrom" ar do chuid nósanna siopadóireachta?

6. An náisiún ceoltóirí iad na hÉireannaigh?

Mar a tharlaíonn ní bheidh mise i láthair ag an seisiún seo ach tá súil agam go mbainfidh sibh sult as.

Go n-éirí libh,
Michal

(mise thar a cheann siúd - beidh mise ann!)

Má tá lucht féachana ag teastáil uait mholfainn duit r-phost a sheoladh chuig na Cumainn Gaelacha..
Mo chumann - dcu agus Tcd ach go h-áirithe.

Lucht féachana? Níl suim dá laghad againn i lucht féachana. Ní díospóireacht foirmiúl atá ann.

Shuigh triúr déag againn thart i dtrí ghrúpa ag plé na moltaí a thug Michal agus níthe nach iad a d'éirigh astu.

Más mian leat bheith linn, bí linn ar 1ú Samhain!

D'úsáid mé an focal mícheart ansin a chara.
Sure cuirfidh mé an focal timpeall pé ar bith é ach níl suim agam féin ina leithéid..

Beidh seisiún eile de Chiorcal Díospóireachta Átha Cliath ar siúl Dé Máirt,
1 Samhain 2005, idir 6:30 agus 8:00 PM i gCaife Úna i lár na
cathrach Bhaile Átha Cliath (Sráid Chill Dara - Kildare Street, in íoslach
fhoirgneamh Chomhdháil Náisiúnta na Gaeilge). Beidh fáilte roimh éinne a
bhfuil fonn air nó uirthi cúrsaí reatha a phlé as Gaeilge. Is féidir ábhar
ar bith a tharraingt isteach ach seo hiad na cinn atá molta chun tús a chur
leis an chomhrá:

1. An raibh tú i mbun 'trick-or-treat' aréir?

2. Cé acu is fearr leat: nuachtáin lán-mhéide nó nuachtáin leath-mhéide?

3. An mbeidh cosc ar thobac i dtithe tábhairne i bhfeidhm sa Ríocht
Aontaithe sul i bhfad, dar leat?

4. Cé mhéad inimirce a bhfuil Éire in ann glacadh leis?

5. An bhfuil do chuid siopadóireachta Nollag tosnaithe agat go fóill?

Tá súil agam sibh a fheiceáil ar an oíche.
Michal

--
Michal Boleslav Mechura


(Aonghus thar a cheann)

Agus arís:

A chairde,

Beidh seisiún eile de Chiorcal Díospóireachta Átha Cliath ar siúl Dé Máirt, 15 Samhainn 2005, idir 6:30 agus 8:00 PM i gCaife Úna i lár cathrach Bhaile Átha Cliath (Sráid Chill Dara - Kildare Street, in íoslach fhoirgneamh Chomhdháil Náisiúnta na Gaeilge). Beidh fáilte roimh éinne a bhfuil fonn air nó uirthi cúrsaí reatha a phlé as Gaeilge. Is féidir ábhar ar bith a tharraingt isteach ach seo hiad na cinn atá molta chun tús a chur leis an chomhrá:

1. An bhféadfadh círéibeacha ciníocha briseadh amach in Éirinn, mar a tharla sa Fhrainc?

2. An cuma leat gur leis an Eaglais Chaitliceach formhór scoileanna na tíre seo?

3. An bhfuil páistí slán ó mhí-úsáid ghnéis anois?

4. An féidir le SAM cúlú ón Iaráic go fóill, nó an bhfuil sé ródhéanach anois?

5. An teanga í an Ultais?

Tá súil agam sibh a fheiceáil ar an oíche.
Michal

--
Michal Boleslav Mechura


(Aonghus thar a cheann)

Bionn Caife Maidin na Gaeilge 10.30r.n. - 12i.n.
Dé Luain, Dé Céadaoin agus Dé hAoine
i dTeach Mhic Reachtain, Béal Féirste
Nios mó eolas Guthan: 028 9074 9688