Tá dlúthdiosca nua de scéalta foilisithe ag Comhluadar. Ceithre chinn de leabhair a bhfuil an-tarraingt ag tuistí le leanaí óga orthu le blianta atá i gceist. Trí chinn de na scéalta a bhaineann le “Béar Mór agus Béirín”, agus aistriúchán cumasach Gabriel Rosentock – An Garbhán.
Tá gach leabhar faoi seach de na scéalta faoi Bhéirin léite i gcanúint eagsumhal – ag Dairíne Ní Dhonnchú, Breandán de Gallaí agus Bríd Ní Neachtain. Tá eacht déanta ag Mauirice O’Donoghue a chuireann gach charachtar sa Gharbhán in iúl le guth sainiúl oirúnach. Scéalta iad seo ar fad atá á léamh ag tuismitheoirí dá bpaistí, agus is mór an chúnamh a bheidh san CD seo dóibh.

Tá fuaimeanna cuirthe leis na scéalta chomh maith. Bainfidh idir páistí agus tuistí an-taithneamh as an seod gleoite seo. Tá sé ar fáil ó Comhluadar ar €12.

http://www.comhluadar.ie

An bhfuil seanscéaltaí ann a d'insínn tuismitheoirí dona bpaistí ar feadh na gcéadtaí in Éirinn agus sa Ghaeltacht? Rudaí ar nós na seanscéalta faoi Chúchullain agus Fionn agus dírithe go dtí páistí go háirithe.

"Laochas", le Séamas Ó Searcaigh, más buan mo chuimhne. Gaeilg dhúchasach don scoith, as Tír Chonaill (a caighdeánaíodh giota beag, ina dhiaidh sin), atá ann. Gheobhaidh tú ar Litriocht.com gan amhras. Finscéaltaí, scéaltaí as an mhiotaseolaíocht, a rinneadh gairid agus sothuigthe. Tá sin iontach maith. Beidh sé fóirsteanach do dhaoiní óga 7 do dhaoiní fásta chomh maith.

quote:

Rudaí ar nós na seanscéalta faoi Chúchullain agus Fionn agus dírithe go dtí páistí go háirithe.

Seo leabhar eile (agus téip) duit, má tá sé i gcló fós:

Finscéalta na hÉireann (1991) Leagan Gaeilge le Gabriel Rosenstock. Tá sé scéal ann, mar atá:

Mealladh Édaoine (á léamh ag Nuala Ní Dhomhnaill)
Tobar an Domhain Thoir (... Macdara Ó Fatharta)
An Gobán Saor (Ann-Marie Horan)
Táin Bó Cuailgne* (Seán Ó Briain)
Deirdre agus Clann Uisnigh (Máire Ní Ghráinne)
Faoi Mar a Chuaigh Fionn i gCeannas ar an bhFiann (G. Rosenstock)

* Is féidir gurb é seo an leagan is giorra den Táin dá bhfuil ann! Ach ní dóigh liom go raibh an Táin sa repertoire ag seanchaithe na Gaeltachta, actually. Fíannaíocht is mó a bhíodh acu, cé go raibh ról beag ag Cú Chulainn i gcúpla ceann de na scéalta sin.

Scéilín Ó Bheilín, Oidreacht Chorca Dhuibhne.

CD & Leabhar den scóth.