Tá Rashoomon: Gearrscéalta le Akutagawa Ryuunosuke á léamh agam faoi láthair. Tá na scéalta go hiontach agus tá an t-aistriúchán le Seán Ó Dúrois go han-mhaith. Is as scéal amháin díobh, "I bhFáschoill", a rinne Kurosawa an scannán clasaiceach Rashomon. Is méanar dúinn cnuasach mar sin a bheith ar fáil i nGaeilge!

Níor léigh mé an leabhar sin go fóill. Nárbh fada uaim é.

Léigh mé an leagan Gaeilge de "Cat is Luch" le Gunter Grass, leagan a ndearna Andrea Mhic Thaidhg. Sár leabhar é idir scéal is Ghaeilge.

Dlíonn moladh moladh eile. GRMA as do cheannsa, a Fhearn!

Ní raibh mé riamh in ann aon meabhar a bhaint as Grass.

Maidir le leabhair Ghaeilge, tá Lámh Laidir le Joe Steve Ó Neachtain léite agam le tamall agus taitneamh bainte agam as.

Maidir le saíocht an Domhain Thoir, bhain mé ann taitnemah as Nasruidín, cuirthe in eagar ag Gabriel Rosenstock. Scéalta beaga grinn ón dTuirc, cé go bhfuil na scéalta céanna ar fáil ar fud an Mheanoirthear de réir mo thuiscint.

A Aonghuis,

"Ní raibh mé riamh in ann aon meabhar a bhaint as Grass."

Bain trial as Cat is Luch. Scéal ógfhir atá ann. Agus bhí óige ag móramh na ndaoine (?).


A Dhennis

Go ndéana a mhaith duit.

Táim ró fhalsa anois. Leabharagáin lán de Kästner, Feuchtwanger, Fallada, Remarque, Böll agus rl. agam. Níl fonn orm teacht ar blas do Ghrass. Ach seans go gcaithfead stracfhéachaint ar leabharlann an Goethe Institut amach anseo.

Bhal, níl ach dhá leabhar i nGaeilge as measc an dreama údaí, go bhfios dom.

Trí chinn.

Emil agus na Bleachtairí Kästner (agam!)
Dialann as Éirinn Böll (agam!)
Agus
Cat agus Luch Grass (agatsa!)

Ach is fearr liom bunleagan nuair atá an teanga agam.

(Message edited by aonghus on September 22, 2005)

Trí chinn!
Clann leabhar na Gaeilge ag dul i líonmhaireacht!!

Bíonn meas agam ar bhun- is athleagan mar thuiste is ghasúr

Dúirt (nó dúradh go ndúirt!) Gabriel García Márquez go bhfuil an t-aistriúchán Béarla de Cien Años de Soledad níos fearr ná an bunleagan!

Chuala mé gu ndúirt Dia go raibh an leagan Gaeilge den Bhíobla (?) níos fearr ná an bunleagan (?)

Chuala mé go ndúirt Dia go raibh an leagan Gaeilge den Bhíobla ní b'fhearr ná an bunleagan (?)

Tuige na comharthaí ceiste?

Bhuel, teanga na n-aingeal is ea í, dar ndóigh.

Cuireann sin scéal grinn i gcuimhne dhom.

Bhí seanbhean ina suí i Gorki Park i Moscó ag déanamh staidéir ar dea leabhar Uí Shiadhail, Foghlaim na Gaeilge. Le linn ré na Soibhéideach a tharla ar eachtra, agus níorbh fhada gur tháinig ball den gCoiste um Slándáil Naisúnta chomh fada lei.

Cad tá ar bun agat, a shaoranach?
Ag foghlaim Gaeilge!
Tuige, ní bheidh deis agat riamh í labhairt?
Bhuel, chuala mé gur teanga na nAingeal í. Beidh mé in ann í labhairt ar neamh.
Ach más go hIfreann a seoltar tú?
Nach bhfuil Rúisís agam cheana?

Dia dhaoibh,
an bhfuil leabhair ar bith a mholfadh sibh dom? Bhí mé ag iarraidh rud ínteach greanmhar, ach léifinn rud ar bith.

Cá dtosnóinn....

http://www.litriocht.com

Tá na mílte leabhair ann.

Scríobh Dennis:
Tuige na comharthaí ceiste?

Cionn is gur scéal "Dúirt aingeal liom gur dhúirt aingeal lei.." a bhí ann.

A Fhirn, arbh eol duit gur feidir tcht a leasú anseo? Fch an billeog agus peann ar dheis thuas.

Dála an scéil, tá gach aingeal atá luaite sa Bhíobla fireann.

Deir an rud go nglactear le leasaithe go ceann 30 noiméad, agus deir sé go bhfuil focal faire de dhith. Seans nach do mo leithéidse atá an deis leasaithe seo.

Scríobh Aonghus:
Dála an scéil, tá gach aingeal atá luaite sa Bhíobla fireann.


B'fhéidir nach raibh fuascailt na mBan Aingealta ann tráth scríte an leabhair.

Ní mór duit bheith i do bhall anseo, a Fhirn. Níl ionat ach unregistered guest mar atá.

Scéal maith sin, a Aonghuis.

A Shéain 79 - céan saghas leabhair is fearr leat? Cén cumas atá ag léamh na Gaeilge?

Is maith liom leabhair Mhaidhc Dhainín Uí Shé. Agus níl siad an-deacair.

(Message edited by Séamas_Ó_neachtain on September 23, 2005)