A chairde,

An bhfuil fios ag éinne má tá na líricí do “Beidh Aonach Amárach”
le fáil in aon áit ar an Web?

GRMA,
Paul

Tá leagan amháin anseo:

http://www.geocities.com/celticlyricscorner/altan/anothersky.htm

agus leagan nua ag Tadhg Mac Dhonnagain anseo:

http://www.futafata.com/lirici/Aonach_Amarach_Blues.pdf

As a bheith ag Gúgláil thart a Paul:
http://www.geocities.com/celticlyricscorner/altan/anothersky.htm#beidh

http://homepage.eircom.net/~eofeasa/level01/ceacht109/miniu/c109_beidh_aonach.ht m

http://www.weblisten.com/en/asp_mp3/album.asp?id=3019

I haven't checked the search facility here on Daltaí na Gaeilge but it may have been mentioned there sometime.

Go n-éirí an t-aonach leat!

Tá muinn beirt leis an scáileán in éindí a Aonghuis.

Mo leithscéal a chairde faoin mBéarla abhus.

Shamhlaigh mé gur i mBéarla a cuireadh an cheist, rud nárbh ea, tharla ar an taobh deiseal sinn!

Bhí mé as alt.

A Sheosamh, an eol duit gur féidir tcht a leasú, ach feidhm a bhaint as an gcnaipe úd thuas ar dheis leis an lch agus an bpeann luaidhe?

Tá an rud céanna déanta agamsa freisin, a Sheosaimh.

Tá moladh agam: Athraigh an t-am athraithe do theachtaireachtaí ó thríocha nóiméad go lá don chuid Gaeilge den fhóram... ? Nó, sula bpóstáilimid, léirigh fógra a deir:

Ar scríobh tú as Gaeilge?

Ansin cnagann tú ar "Tá" agus leantar ar aghaidh leis an bpóstáil.

(Message edited by Fear_na_mBróg on May 24, 2005)

(Message edited by Fear_na_mBróg on May 24, 2005)

D'fhéachfas le seo a dhéanamh cheana, is cuimhin liom.
Tharla nach ball le focal faire mé, ní scaoilfear isteach mé lena dhéanamh.

Míbhuntáiste na neamallraíochta.

Seans.

Ach tharla gurbh d'ainm buan a bhíonn in usáid agat, tuige nach nglacann tú ballraíocht? Cuimhníonn an ríomhaire ar an bhfocal faire de ghnáth.

>> gurbh d'ainm buan a bhíonn in usáid agat, tuige nach nglacann tú ballraíocht?

Ní dheachas le Gaeilge-L agus eile ar an ábhar céanna.

Ábhar cur is cúitimh Déardaoin é sin a Aonghuis, tharla léim an dorais agus deifir an bhóthair orm anois.

Babhta oibre curtha díom agus táim ag iarraidh trácht an tráthnona a scoitheadh abhaile.

A chairde,
Go raibh maith agaibh.

Tabhair aire daoibh féin...
Paul

Tá meancógaí (litrithe don chuid is mó) sna liricí ar leathanach geocities. Is dóigh liom nár mhaith a tuigeadh a bhfuil Máiréad Ní Mhaonaigh a’ ceol, go háiríd ins a’ chúigiú cuid ach tuigimse é siocair gur Gaeilg Ghaoth Dobhair atá agam ;-) . Seo na liricí a cheartaigh mé:

Is a mháithrín an ligfidh tú chun aonaigh mé
Is a mhuirnín ó ná héalaigh é
Is a mháithrín an ligfidh tú chun aonaigh mé
Is a mhuirnín ó ná héalaigh é

Beidh aonach amárach i gContae an Chláir
Beidh aonach amárach i gContae an Chláir
Beidh aonach amárach i gContae an Chláir
Cén mhaith domh é ’s ní bheidh mé ann

Tá níon bheag agam is tá sí óg
Tá níon bheag agam is tá sí óg
Tá níon bheag agam is tá sí óg
Is tá sí i ngrá leis an ghréasaí bróg

Níl tú ach deich nó aon déag fós
Níl tú ach deich nó aon déag fós
Níl tú ach deich nó aon déag fós
Nuair a bheas tú trí déag beidh tú mór

B'fhearr liom féin mo ghréasaí bróg
B'fhearr liom féin mo ghréasaí bróg
B'fhearr liom féin mo ghréasaí bróg
Ná oifigeach a arm faoina lasaí óir

'S iomaí bean a phós go hóg
'S iomaí bean a phós go hóg
'S iomaí bean a phós go hóg
Is a mhair go socair lena gréasaí bróg