Dia daoibh a chairde,

Tá cuidiú de dhíth orm. Ba mhaith liom léarscáil bhalla a cheannach, feiliúnach chun cur i bhfráma agus chrochadh ar an mballa. Is é an rud a theastíonn uaim, ná léarscáil na hÉireann, agus na logainmneacha a bheith as Gaeilge ar fad. An bhfuil fhios ag éinne cá bhfuil a leithéid ar fáil ?

Go raibh maith agaibh agus athbhlian faoi mhaise daoibh.

Criostóir

Dia is Muire duit, a Chriostóir,

Seo thíos comhfhreagras a tharla Mí na Bealtaine 2004. Bhíos i ndiaidh scéala a sheoladh chuig http://www.ordnancesurvey.ie/ tamall gairid roimhe sin.

Le gach dea-mhéin,

Seosamh

An cheist:

A Dhuine Uasail/Uasal,

Táim ag lorg léarscála d'Éirinn, agus ní Ireland atá i gceist agam. Sé sin,
léarscáil Ghaeilge den tír ar fad. Níor éirigh liom a cheapadh ar an suíomh
agaibh http://www.ordnancesurvey.ie/, agus gabhaim leithscéal leat más orm a
bhí an útamáil.
Is í mo cheist, an bhfuil léarscáil na hÉireann ar fáil i nGaeilge in aon
cheann de na siopaí mura bhfuil sí ar an suíomh, i ngan ' fhios dom?

Le gach dea-mhéin,

Seosamh Mac Muirí

An freagra:

A Dhuine Usual,
Go raibh maith agat as ucht do fhiosrúchán .
Is féidir linn eagrán 1938 a chur ar fáil, i sean litriúchan, 'gus san sean
chló gaeilge. 'Sé an chostas ná EUR12.50 .Tá
an costas seolta agus pacáil curtha in aireamh agam.

(Ainm státseirbhísigh anseo)
Seosamh
.....

A bhfuair tú é? An bhfuil cuma air? Bheadh suim agam fhéin ann.

Ní bhfuair a Aonghuis, ach creidim go bhfaighidh mé í am éigin go fóill sula dtarraingeofar siar í agus athleagan nuachló a chur ina háit.

Faraor nár thapaigh tú an deis. Tá an méid a bhí acu díolta. Is cosúil áfach go bhfuil leagan ó 1985 ann - tá sin ceannaithe agam, beidh le feiscint cén cuma atá air.

Tá sé i gceist freisin léarscáil 1938 a chuir i gcló arís mar chuid de sraith "stairiúl" amach anseo.

Mar sin é a Aonghuis? Go raibh maith agat as an eolas sin.
Is maith go bhfuil sé i gceist acu an leagan seanchló a athfhoilsiú amach anseo.
Go maire tú féin do léarscáil úr.

Fuaireas an léarscáil úd inniu. Thart ar A0 nó A1 atá sé, le raidhse logainmneacha. Ach níl mórán cuma air - dubh agus bán, agus fótachóip seachas cló, feictear dhom.

Ar 16 Euro (postas san aireamh) bhíos ag súil le rud inteacht níos fearr.

Níl grinnstaidéar déanta agam air fós.

Ar chuala éinne trácht riamh ar 'Atlas a Dó'? Bhíodh sé de shíor ar an liosta leabhair ag na páisti anseo ach ní raibh sé le fáil sna siopaí. Corr uair fuaireamar ceann ar athláimh ach de ghnáth "cailleadh" é. Ní hé go bhfuil sé uaim anois ach cuir na teachtaireachtaí seo i gcuimhne dom é. An bhfuil sé i gcló fós?

Níor chuimhin liom é go dtí anois a Kay. Thugas ceann uaim mar bhronntanas na blianta ó shin, faraor.