Tá cabhair ag teastáil uaim - conas a déarfá 'Tell him/her I was asking for him/her' as Gaeilge.

Go raibh maith agaibh.

'Tell him/her I was asking for him/her'

Abair leis go raibh mé ag cur faisnéise faoi.
Abair léi go raibh mé ag cur faisnéise fúithi.


Abair leis go raibh mé ag cur a thuairisce.
Abair léi go raibh mé ag cur a tuairisce.

Abair leis(lei) go raibh mé ag cuir a thuairisc ( a tuairisc)

a firinscneach -> seimhiú

When I was in school, we learned:

"Tell your family I was asking for them"

Abair le do chlann go raibh mé á bhfiafraí.


So, him:

Abair leis go rabhas á fhiafraí.

her:

Abair léi go rabhas á fiafraí.


(rabhas = raibh mé)

(There's a typo in the above, it should be "ag cur").

Tá san amach is amach mícheart a FnaB.

Usaidtear "fiafraigh" nuair atá tú ag lorg eolais, agus sa chás sin amháin.

Bhfuel, nílim cinnte. Ach scríobhfaidh mé anseo anois go díreach a d'fhoghlaimíos ar scoil le litir a scríobh:

A Sheáin,

Beir, bua agus beannacht. Conas atá tú?! Tá súil agam go bhfuil tú i mbarr na sláinte. Bhí ard-áthas orm do litir a fháil, b'fhada nár chuala mé uait. Táim ag scríobh chugat chun insint duit faoi...


Bhfuel a Sheáin, níl a thuilleadh le rá agam. Caithfidh mé scór anois mar tá duine éigin ag an doras. Abair le do chlann go raibh mé á bhfiafraí.
Slán go fóill!

Is mise,

do chara,

Máirtín

(Message edited by Fear_na_mBróg on October 13, 2004)

Creidim fós go bhfuil fiafraigh mícheart ansin. Barúil eile, le bhur dtoil! Jonas, Seosamh,...

Caithfidh mé aontú le hAonghus...usáidtear fiafraigh nuair a bhíonn tú ag lorg eolais. Agus d'fhoghlaim mise, agus déarfadh mise i gcónaí 'ag cur do thuairisc/a thuairisc' &rl

Ach tá sé deacar argóint a dhéanamh mar tá an oiread sin canúintí sa tír.

Dúradh liom gur féidir duine a fhiafraigh...mar sin tá an dá cheann i gceart!!

I mo thuairimse má tá duine ag rá rud bealach ar leith a shaol ar fad ní féidir leis a bheith mí-cheart.

Tagaim leat ar shlí. Ach feictear dhom nach leagan dúchasach "duine a fhiafrú"; ba mhaith liom é chlos ó duine ata ina chonaí i, nó a bhfuil taithí aige ar ceantar ina bhfuil an teanga beo.

Bhuel chuala mise é ó dhuine atá ina chónaí i gceantar ina bhfuil an teanga beo - agus an-eolas ar fad aige ar an Ghaeilge. Deir sé go n-úsáidtear an dá rud.
A lán den fhadhb anois ná go múintear sna scoileanna céard atá caighdeánach agus creideann daoine go bhfuil gach rud eile mí-cheart.

Maith go leor. Níor chualas fhéin riamh é, ach glacfaidh mé leis go bhfuil sé ceart.

Go raibh maith agat. Tá sé i gceart - tá an-mhuinín agam as m'fhoinse (níl mé cinnte an sin an focal a usáidtear ar 'source' sa chomhthéacs seo ach..)!!

Táim buíoch de bhur gcabhair.
Ana shuimiúil.


Padraigín