mainoff.gif
lastdyoff.gif
lastwkoff.gif
treeoff.gif
searchoff.gif
helpoff.gif
contactoff.gif
creditsoff.gif
homeoff.gif


The Daltaí Boards » Archive: 1999-2004 » 2004 (July-September) » Archive through August 06, 2004 » Dán an tSamhraidh « Previous Next »

Author Message
Top of pagePrevious messageNext messageBottom of page Link to this message

Conor (217.43.61.242 - 217.43.61.242)
Posted on Thursday, July 22, 2004 - 12:01 pm:   Edit Post Print Post

Seo dán a scríobh mé faoi shaoire - made-up dán atá ann, ní dheachaigh mé chun na Spáinne i mbliana ach tá mé ag dul chun na Fraince amárach! Woo-hoo

Insigí dom bhur mbarúlacha faoi m'iarracht filíochta!

Conor

---

An tSaoire
Le Conor McLaughlin

Dubh dóite ag an aerfort, ag fanacht gan foighne
Táimid lán-chríochnaite le saoire na Spáinne.
Ag fanacht le fearg lenár n-eitleán an-mhall,
Agus tá Daidí ag ligint mionn mór go dall.

Cén fáth nach féidir leofa a bheith in am?
Na rudaí millteanacha uilig a tharla dár bplean,
Na tríoblóidí a bhí againne i rith na saoire,
Ní thiocfadh leat iad a chuntas ar do chuid méara!

Ag tosú na saoire, bhí muid ag fágáil an tí,
Bhí chuile pacáilte, nuair a thiontaigh Orla ‘na suí;
“A Dhaidí,” a dúirt sí agus ní raibh sí ag magadh,
“Sílim go ndearna muid dearmad ar an mhadadh!”

Fuarthas an madadh, tugadh eisean don tréidlia,
An turas a bhí romhainn, cad é a bheadh níos sia?
Ar aghaidh chuig an t-aerfort, bhí ag éirí go geal linn,
Ach don chuid eile an turais, cad é a tharlóidh ansin?!

Bhí an eitilt go maith, bhí an eitilt go breá,
Go dtí gur thosaigh Maeve, mo dheirfiúr beag a rá;
“A Mhamaí, a mhamaí,” ar sise le socracht,
“Ní maith liom an t-eitleán, an féidir linn imeacht?”

D’fhag muid an t-eitleán gan amharc amháin siar,
Áthas orainn le fágáil na rudaí damanta go léir!
Is cinnte go raibh mí-ádh orainn san Oileán iathghlas,
Ach sa Spáinn? Gan seans - saoire an-deas!

An chéad dá oíche - craic den scoth, ár ngloiní lán,
Ach ba shin gan smaoineamh faoi na rudaí i ndán!
An lá ina dhiaidh sin, chuaigh muid ag snámh,
An t-uisce chomh fuar, reofadh sé thú chuig an chnámh!

Chonacthas gur tháinig an mí-ádh inár ndiaidh,
Bhí sé ann san oíche agus i rith an lae.
Níor stop na fadhbanna, breis agus go leor -
In Éirinn nó sa Spáinn, an mbeadh an difear mór?

Tá sé soiléir le feiceáil gur thubaiste mhór an turas,
“B’fhearr linn fanacht in Éirinn,” sin cad a dúras.
Ní rachaimid chun an Spáinne choíche arís,
Fiú, dá mairfinn go dtí 200 bliain d’aois!

Níl a fhios agam cad é a dhéanfaimid sa bhliain seo le teacht,
Ón shaoire seo, shilfeá go bhfoghlaimeoimis ceacht!
B’fhéidir níos luaithe, b’fhéidir níos moille,
Ach, is dócha gurb fhearr dúinn fanacht sa bhaile!

Top of pagePrevious messageNext messageBottom of page Link to this message

Fear na mBróg (213.94.244.48 - 213.94.244.48)
Posted on Thursday, July 22, 2004 - 12:35 pm:   Edit Post Print Post

Níl fhios agam cad a rá.

Tá súil agam go dtuigeann tú leibhéal d'oilteachta, never mind do chuid Gaeilge.

Top of pagePrevious messageNext messageBottom of page Link to this message

Conor (217.43.61.242 - 217.43.61.242)
Posted on Thursday, July 22, 2004 - 01:32 pm:   Edit Post Print Post

Dúirt Fear na mBróg: Tá súil agam go dtuigeann tú leibhéal d'oilteachta, never mind do chuid Gaeilge.

Cad is brí leis sin? "I hope you understand an expert level, never mind your Irish?"

Top of pagePrevious messageNext messageBottom of page Link to this message

Fear na mBróg (159.134.103.242 - 159.134.103.242)
Posted on Thursday, July 22, 2004 - 02:27 pm:   Edit Post Print Post

leibhéal d'oilteachta = leibhéal [do + oilteachta] = the level of you skill

Top of pagePrevious messageNext messageBottom of page Link to this message

Fear na mBróg (159.134.103.242 - 159.134.103.242)
Posted on Thursday, July 22, 2004 - 02:30 pm:   Edit Post Print Post

leibhéal d'oilteachta = leibhéal [do + oilteachta]

I hope you realize the level of your skill, never mind your Gaeilge.

Mol a bhí ann.

Top of pagePrevious messageNext messageBottom of page Link to this message

Conor (81.152.84.185 - 81.152.84.185)
Posted on Friday, July 23, 2004 - 07:15 am:   Edit Post Print Post

Go raibh míle maith agat!! :D



©Daltaí na Gaeilge