Author |
Message |
Aonghus
| Posted on Monday, April 05, 2004 - 10:20 am: |
|
is mó a shamhlaím le hEarrach na hÉireann. Agus táid le feiscint go flúirseach faoi láthair. Bhíos i gCorca Dhuibhne leath scór bliain ó shin, ar mí na meala (seachtain na meala ba chirte a rá) agus is cuimhin liom na díoga a bheith breac le sabhaircíní agus na móinéir le huain. Cad iad tréithe an Earraigh daoibhse, a cháirde na páirte? |
|
Seosamh Mac Muirí
| Posted on Monday, April 05, 2004 - 01:25 pm: |
|
An tseamsóg a shamhlaím leis an tráth so bliana a Aonghuis. Níl an duilliúr éagsúil le duilliúr na seamróige ná le duilliúr na seimre. As an gcosúlacht a d'eascair na hainmneacha sin, is intuigthe. Go dtí an t-am so anuraidh bhíos amuigh ar an iargúil i dtuaisceart Thiobraid Árann agus coill timpeall orm. Chaith mé dhá bhliain san áit. D'fheicinn an sabhraicín (mar a deirim) i dtosach, más buan mo chuimhne. D'fheicinn lus an chromchinn agus an tseamsóg ar ball. Chaith mé dhá bhliain san áit, i bhfad ón gcine daonna chaon oíche. Thugas an-taitneamh don áit. Is saibhreas ar leith a bheith amuigh i lár an dúlra agus feithidí/ainmhithe de gach cineál ag snámh agus ag smúrthaíl thart go feiceálach. |
|
Séamas Ó Neachtain
| Posted on Monday, April 05, 2004 - 02:40 pm: |
|
Rinne an nádúr cleas orainn anseo i Nua-Eabhrac inniu. Bhí sé an-fhuar, faoi mar a bheadh an geimhreadh arís ann. Cóta mór, hata, scaif agus lámhainní dá gcaitheamh agam. Tá an ghrian ag taitneamh lasmuigh den fhuineog anois, ach níl a fhios agam cé acu fuar nó te an aimsir faoi láthair. Go n-éirigh leis an earrach! |
|
Seosamh Mac Muirí
| Posted on Monday, April 05, 2004 - 03:14 pm: |
|
Bhí casadh chun fuaire air abhus inniu chomh maith a Shéamais. Laethanta na Riabhóige, sílim, tús an Aibreáin, thig leí tiontú chun gairbhe mar sin. (céad 3 lá an Aibreáin, measaim.) Is gairid eile fós go raibh sé ina shamhradh. Tá an geimhreadh tugtha. |
|
Aonghus
| Posted on Tuesday, April 06, 2004 - 04:30 am: |
|
Feicim ón bhFoclóir gurbh éan beag cosúil le fuiseog an riabhóg. Ach cad as don nath? Tá rá coitianta ag na Géarmánaigh "Der April, der macht was er will" - déanann an Aibreán a rogha rud. Taimse préachta ar maidin pé scéal é; cuma liath ar mhuir agus ar spéir anseo i Mullach Íde. |
|
Seosamh Mac Muirí
| Posted on Tuesday, April 06, 2004 - 05:16 am: |
|
|
|
Aonghus
| Posted on Tuesday, April 06, 2004 - 06:31 am: |
|
|
|
Aonghus
| Posted on Tuesday, April 06, 2004 - 07:57 am: |
|
|
|
|