mainoff.gif
lastdyoff.gif
lastwkoff.gif
treeoff.gif
searchoff.gif
helpoff.gif
contactoff.gif
creditsoff.gif
homeoff.gif


The Daltaí Boards » Archive: 1999-2004 » 1999-2004 (Irish Only) » Údarás na Gaeltachta « Previous Next »

Author Message
Top of pagePrevious messageNext messageBottom of page Link to this message

Pól (server1.embryoninc.com - 66.152.218.225)
Posted on Thursday, February 07, 2002 - 03:36 pm:   Edit Post Print Post

A chairde, An bhfaca sibhse an alt seo?
Maith an fear, a Liam!!!

[ón nuachtán LÁ]

Ó Cuinneagáin Cathaoirleach nua an Údaráis


Ceapadh an gníomhaí pobail agus ball de Fhoras na Gaeilge, Liam Ó Cuinneagáin, ina Chathaoirleach ar Bhord Údarás na Gaeltachta Dé hAoine.

Ag caint leis ar an lá dúirt an Cuinneagánach, a bhain clú amach le tamall de bhlianta anuas leis an ghrúpa oideachais Oideas Gael i nGlean Cholm Cille, Dún na nGall, dúirt sé gur “cúis áthais” dó an ceapachán.

Tagann Ó Cuinneagáin mar chomharba ar Thadhg Ó hÉalaithe a d’éirigh as an phost ar na mallaibh.

“Is aitheantas ar leith é don obair atá ar siúl againn ar feadh na mblianta i gceantar imeallach Gaeltachta agus beidh an taithí agus scileanna atá sealbhaithe agam á n-iompar liom chuig mo chúraimí úra,” arsa an Cathaoirleach nua.

“Tá mé ag súil go mór le bheith gníomhach in obair fhiúntach Údarás na Gaeltachta, eagraíocht ag a bhfuil Bord díograsach agus feidhmeannas proifisiúnta a bhfuil taithí na mblianta acu.”

“Geallaim go ndéanfaidh mé mo dhícheall sa chúpla bliain romham an neart agus fuinneamh atá san Údarás a choinneáil agus a dhaingniú.”

Ceann de na spéiseanna is mó atá ag Liam forbairt ar an turasóireacht chultúrtha.

Is é is cúram an Údaráis cur le forbairt na tionsclaíochta sna ceantair Ghaeiltachta trí dheontais a chur ar fáil do chomhlachtaí agus trí chúrsaí oiliúna a eagrú.

D’eisigh an tÚdarás Tuarascáil Bhliantúil Dé Máirt inar tugadh le fios gur tháinig titim de 2% ar an líon daoine a bhí fostaithe sna Gaeltachtaí anuraidh cé gur cruthaíodh 1,120 post sa tréimhse chéanna.

Chuir an Leas-Phríomhfheidhmeannach, Pádraig Ó hAoláin, in iúl do Lá an tseachtain seo go raibh stádas ar leith de dhíth ar an Ghaeltacht sa Straitéis Spásúil Náisiúnta atá le foilsiú go luath.


Iriseoir: Ciarán Ó Pronntaigh

Add Your Message Here
Posting is currently disabled in this topic. Contact your discussion moderator for more information.


©Daltaí na Gaeilge