Deirtear "os cionn an dorais" agus muid ag teacht isteach:

"Táthar ag iarraidh ort go mbeadh do chuid teachtaireacht múinte agus bainteach leis an nGaeilge."

Nach mbeadh "... do chuid teachtaireachtaí..." ceart anseo?

Bheadh.

Ba chóir 'teachtaireacht' a athrú go 'teachtaireachtaí' insan abairt a leanas air fosta -- an uimhir iolra atá insa leagan Béarla:

Coimeádann Daltaí na Gaeilge ár gceart chun *teachtaireacht* a athrú nó scriosadh, ach ní bheith* muid freagrach as na h-ábhar díobh**.

Daltaí na Gaeilge reserves the right to edit and/or remove *postings*, but accepts no responsibility for any of the content which appears therein.

* 'bheidh'atá ceart
** 'as an t-ábhar atá iontu' ?

Gan a bheith ag iarraidh bheith ceartaiseach, ar ndóigh. De ghnáth, ní bhacaim le hearráidí beaga i ríomhphost, ar an Idirlíon, srl (déanaimse féin iad go minic!). Ach os rud é gur thóg tú an cheist...

"as an ábhar atá iontu" (gan an "t-"), nó b'fhéidir "as a bhfuil iontu", rud atá níos simplí agus a deireann an rud céanna, a bheag nó a mhór.

Maidir le ceartúcháin, aontaím leat nach fiú bacadh le teachtaireachtaí ríomhphoist agus rudaí eile a thagann agus agus imíonn go sciobtha. Ach ba chóir do rudaí seasta ar nós an fhógra seo, a fheictear arís is arís eile, ba chóir dóibh a bheith ceart. Tá fógraí i nGaeilge mhícheart le feiceáil fud fad na hÉireann, agus cuireann siad drochmhisneach ar lucht labhartha na teanga, gan trácht ar an drochshampla a thugann siad d'fhoghlaimeoirí.

Aontaím leat.

Ar ndóigh níl an 't-' ag teastáil! D'athraigh mé é, thug mé faoi deara go raibh an 't-' le réitiú, ach cheap mé go raibh sé ceartaithe agam nuair a bhrúigh mé ar an chnaipe.

Bíonn earráidí beaga le feiceáil ina lán láithreán ar an Idirlíon. Thug mé cupla ceann faoi deara, fiú, i láithreán duine a bhfuil an tuairim thuas á seinm go láidir aige. Ach bíonn drogall orainn botúin a chéile a cheartú.

Bhíodh mac léinn agam a raibh an nós aici fiafraí díom 'Cad tuige nár cheartaigh tú mé?' Sin an cur chuige ceart.

Is dóigh liom go mbeadh fáilte ag aon duine roimh ríomhphoist chuige féin amháin ag cur an botún in iúl.
Is minic nach bhfeiceann duine an botún litríochta nó gramadaí a dhéin sé fhéin.

Agus aontaíom le Dennis gur cheart go mbeadh fograí agus leathanaigh buana cruinn agus ceart.
(Seo agaibh mo leathanach fhéin:- beidh mé ag súil le ceartúcháin! http://home.t-online.de/home/uta.aonghus)

A Chairde,

Chuir mé chuile rud i gceart. (Bhuel, tá súil agam gur chuir ar aon chuma.) Tá muid thar a bheith sásta na botúin a cheartú nuair a bhíonns siad curtha in iúl dhúinn.

Tá náire orm a smaoineadh go bhfuil muid ag tabhairt drochshampla d'fhoghlaimeoirí. Má tá aon rud 'oifigiúil' mí-cheart againn, inis dhúinn, má's é bhur dtoil é. Cuirfidh muid i gceart é/iad ar an bpointe.

Go raibh míle maith agaibh, a chairde.

Dar liom is cirte do Mhuimheanaigh "cuid teachtaireacht" mar i ngaoluinn na Mumhan is gnáthach geinideach iolra tar éis "cuid". I ndeire na dála is tabhachtaí go gcleachtófaí gaoluinn - maith nó níos fearr agus ná bíodh aon chnáimhseál fé gaeilge lóchailleach.

Chaith mise deire seachtaine íontach ar Scoil Merriman in Inis i gCondae an Chláir le déanaí. A leithéid de sheimineáir, amráin, rincí, óil agus ragairne! Ba é an deire a bhí go seoigh dar liom - filíocht den chéad scoth agus amhrán breá, Cill Chais. Sheasfainn féin cosnochtaithe sa tsneachta chun éisteachta leis.
Caitríona